1. Zh
  2. 精選美食
  3. 星期六晚食返餐好,精選壽司香港戶戶送到
星期六晚食返餐好,精選壽司香港戶戶送到

星期六晚食返餐好,精選壽司香港戶戶送到

大家都知道星期六晚一大班人出外揾食好難揾位,尤其是日本壽司店,經常都排晒長龍,叫外賣就係一個好選擇。外賣意大利菜-薄餅,定係日本菜-壽司,都係穩陣嘅選擇。今期揾嚟生冷海鮮以外的壽司選擇,全部經過悉心烹調,外賣壽司一樣食得和味。

1. 鰻魚牛油果卷 

Shiro Taikoo餐廳設計簡潔時尚,吧枱位可以睇住壽司司傳整壽司,梳化位就舒適寫意。食物賣相和味道出色,亦有多款選擇配搭,壽司、刺身、定食或套餐都有提供。「鰻魚牛油果卷」鰻魚甘香,燒汁份量剛好,成片覆蓋住飯卷,飯卷再包住牛油果,一層包一層,包住美味滿足。 

A post shared by Fred (@luckyfred.foodstagram) on

2. 蝦天婦羅牛油果卷 

尚善係香港首間社會企業的日本高級料理,扣除經營成本會將盈餘捐給註冊非牟利機構。識食、惜食、更加惜福,將己福推及他人。充滿大愛前提,餐廳亦非常用心,選用新鮮優質的食材,配合正宗烹調,為食客帶嚟豐盛和宴。「蝦天婦羅牛油果卷」天婦羅的麵粉唔會太厚,炸得火喉剛好,加上香甜牛油果,完美配搭食出用心嘅料理。 

A post shared by 芒果小王子 (@happyjai) on

3. 雜菜天婦羅卷 

上環過啲去到中環,Kyoto Joe走新派日本菜,不時推出創新 fusion 菜式。緊貼素食新潮流,多款素食口味任選擇。推介「雜菜天婦羅卷」,牛油果由內走出外,喺外面包住飯卷,以時令蔬菜炮製成香口天婦羅,捲住喺飯卷內。綠油油嘅外表,放入口感受清新口味,令食客體驗素食真滋味。 

4. 芒果軟殼蟹卷

大型連鎖壽司餐廳板長壽司,港九新界都有分店,各位壽司粉絲唔駛跨區覓食咁麻煩。壽司種類多,刺身、火炙、軍艦、手卷、卷物等,一應俱全。除咗以牛油果入饌,芒果亦係另一熱選果物,上面介紹過牛油果,最後揀「芒果軟殼蟹卷」。以「香甜」芒果配搭「香脆」軟殼蟹,香香之選唔知做唔做到閣下首選呢。

想食和味壽司,立即用「戶戶送」App或登入 Deliveroo.hk,落個柯打就食到。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application