1. Zh
  2. 精選美食
  3. 愈食愈上癮,素食咖喱四大好去處
香港素食咖喱最佳經典好去處

愈食愈上癮,素食咖喱四大好去處

素食選擇多,素食咖喱唔知大家食得多唔多。今次搵齊印度、香港、日本同加勒比海四個地方嘅素食咖喱,各具特色,有咁多款揀都唔會悶,就由咖喱名聞天下嘅印度菜入手。

1. 茄汁咖喱雜菜

得到米芝蓮推介,實力有番咁上下。羅勒印度餐廳嘅門面,驟眼係一間樸實印度餐廳,入到去裝飾簡潔高雅,只係放置少量印度式擺設,設計用色感受到民族風情,唔需要刻意堆砌。食物質素同樣高,咖喱係必食之選,素食可揀「茄汁咖喱雜菜」。蕃茄汁煮進咖喱當中,香辣中帶茄酸,層次豐富。蔬菜、雜豆、薯仔煮得軟爛,令咖喱帶稠身,單獨食已經感到飽意,可以再食多小小嘅話,配印度脆餅都唔錯。

2. 咖喱鮮竹粒煲

食完印度咖喱唔夠喉,轉身去到同區嘅聰嫂原素食港式咖喱。聰嫂甜品成日大排長龍,人氣高企,由甜品界殺入素食界,走新穎茶餐廳路線,炒粉麵飯加小菜,種類多多,價格相宜。特別推介午餐供應嘅「咖喱鮮竹粒煲」,咖喱香辣唔嗆口,又無過濃椰子味。大大嚿薯仔同鮮竹粒炆煮到入晒味。幾十蚊嘅午餐,足料用心,唔係頹飯、hea飯,宜家真係買少見少。

3. Vegetable Bear 素菜熊

平時食開嘅日式咖喱都係稠身帶甜,第一次在北海道跟湯咖喱邂逅之後,就一試難忘。估唔到嚟到中環Sama,終於可重拾呢個味道。門面有一隻大熊,寫住soup curry,包保唔會搵錯。呢度自選topping、辣度、湯底,自由配搭更啱口味。Topping有雞、漢堡、海鮮、豬,唔少得素菜。辣度由0-30度,分為初級baby bear(0-5度)、中級adult bear(6-15)、高級crazy bear(16-30),湯底有蕃茄、椰子、蝦。講多無謂,即刻落單試試先。唔該一份「Vegetable Bear」、10度adult bear、蕃茄湯。材料勁多,有蘆筍、秋葵、粟米芯、西蘭花、椰菜花、紅蘿蔔、茄子、青椒、蓮藕片、薯仔、溫泉蛋,加加埋埋營養十足。至於10度都幾夠辣,配埋酸酸地蕃茄湯底,辣中帶酸超過癮。以後要食日式咖喱,認住呢隻湯咖喱熊啦。

through back last night dinner, **Soup curry with vegi**

A post shared by Kelvin Sun (@scnkelvin) on

4. Coconut Veg Curry 椰子香雜菜咖喱

Rummin Tings係一間加勒比風情酒吧加餐廳,型格酒吧人人開懷暢飲,我就柯打一客「Coconut Veg Curry」先至型。同菜名名實相符,咖喱帶有椰子香,頗有異國風情。咖喱拌和雜菜、豆、蘿蔔,又一撈飯之選。

唔駛舟車勞頓,立即用戶戶送App或登入 Deliveroo.hk,食均四個地方嘅咖喱。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application