1. Zh
  2. 精選美食
  3. 朋友聚會中的大愛pizza
朋友聚會中的大愛pizza

朋友聚會中的大愛pizza

芝士控、甜品控、海鮮控... 但好少會聽到pizza控,又難怪喎,咁大塊點「控」得落,哈。之但係一大班朋友開心gathering,理得你咩控,緊係叫個pizza 方便又飽肚。但又唔駛好似食得好頹咁,試過下面既推介,分分鐘成班朋友做哂pizza

1. 素食主義

好多時pizza 餡料都係肉,遇著素食朋友或者咁啱想食得fresh 啲又點算?!Piccolo Pizzeria有幾款素食口味可以試下,特別推介既「素食主義」採用燈籠椒、意大利青瓜、蓮藕。蓮藕。蓮藕?無錯,咁特別,啱哂貪新鮮既朋友仔。而且幾款餡料夠清爽,加埋烘到脆脆既批底,食多件都唔覺滯。

2. 古法意式煙肉

另一款照顧番想食肉既朋友,餡料有意大利煙肉、蕃茄醬、車厘茄、水牛芝士、意大利雞蛋。清新既蕃茄醬中和煙肉既膩,topping 隻蛋更加係畫龍點晴。好多人特登落鋪食架,宜家安坐家中都試到,仲唔嗱嗱聲落單。

3. Margherita Neapolitan Pizza

明爐炭火烤製既手工pizza 巳經係一大賣點,唔係間間鋪都有架嘛。所以揀Ciao Chow出品的經典口味 Margherita,水牛芝士、蕃茄醬、羅勒,簡單既材料配埋炭香烤味,絕對係大滿足既意式風味。(62)

4. 皇后瑪格

經典口味轉眼去左間台式pizza 店堤諾比薩,咪以為係伏,餡料無變,都係水牛芝士、羅勒,仲有特調蕃茄醬拉吓分,食落一啲都唔輸蝕。仲有9吋拿破崙(厚身)同12吋羅馬(鬆脆)任君選擇。鍾意香脆可口既話,揀羅馬批就啱哂喇。

5. Banana Heaven

一班閨蜜聚會,緊係叫個甜品pizza滿足姐妹們嘅2個肚。Banana Heaven 係The Point的招牌甜品pizza,雖然外賣就無左一大球雲呢嗱雪糕,之但係香蕉搭朱古力醬,加埋軟棉棉嘅棉花糖,都值回票價啦。

睇左咁耐仲唔落order,即刻用戶戶送或登入 Deliveroo.hk落order,同班friend 開心share 啦。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application