1. Zh
  2. 精選美食
  3. 炒炸烘焗西蘭花 食得夠營又唔寡
炒炸烘焗西蘭花 食得夠營又唔寡

炒炸烘焗西蘭花 食得夠營又唔寡

素菜選擇多,宜家食素一啲都唔寡。話雖如此,唔駛一刀切食全素,只要飲食食得均衡就得喇。今次介紹嘅係蔬菜界巨星西蘭花,有齊唔同煮法或配搭,選擇多樣化,一啲都唔寡,即刻睇下有咩好介紹。

1. 有機本地西蘭花配蒜蓉

有機中式小菜店Sohofama,座落藝術文化地元創坊,戶外園藝設計貼近有機耕作、食材。家常小炒「有機本地西蘭花配蒜蓉」,選用無化學成份和本地食材,最新鮮農耕原味跳進味蕾。配以蒜蓉清炒,好似媽媽炒菜,唔會加太多油,夠晒溫馨健康。

2. 西蘭花百合炒帶子

街坊小廚囍囍,廣東小炒抑或四川小菜同樣出色,而且價錢相宜,多叫幾碟一齊分享都得。如果嫌啱啱介紹嘅蒜蓉炒西蘭花略為單調,可以食呢個「西蘭花百合炒帶子」。百合爽口潤肺健脾,帶子大粒而爽彈,而且低脂並含有多種營養,包括豐富蛋白質,西蘭花炒得翠綠,唔會過咗火喉變黃兼流失營養。咪睇炒一道簡單小炒,每樣食材經過悉心配搭,絕對好味又有益。

3. 炸西蘭花芝士球 & 日式蛋黃醬

The Pantry嘅班戟出晒名,勁多「班戟控」去朝聖。咁要食西蘭花,撞入嚟係咪「混吉」?放心,當然唔會帶錯路。呢度係提供多國菜嘅新派餐廳,店內設計時尚簡潔,利用小植物做裝飾,未開動已經refresh眼球。要介紹嘅「炸西蘭花芝士球 & 日式蛋黃醬」,將西蘭花同芝士揉成圓球,芝士充當調味,為清新西蘭花帶來鹹香,炸得香脆可口。另配日式蛋黃醬,同煎炸食物非常夾,沾埋就令味道更豐富。

4. Spicy salami, Broccoli and House Made Ricotta (Wood Oven Pizza)

去到意大利餐廳,食薄餅是常識吧。Mercato by Jean-George's 用木爐烘烤,揀選「Spicy Salami, Broccoli and House Made Ricotta」,薄餅夠晒香脆,批邊更加脆卜卜。表面鋪滿辣肉腸、西蘭花和自家制意式乾酪。惹味香口,食一件點夠喉。

想食唔同煮法嘅西蘭花,立即用戶戶送App或登入 Deliveroo.hk,唔駛親自下廚都食到。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application