1. Zh
  2. 精選美食
  3. 碳水化合物捨白取啡 
 碳水化合物捨白取啡

碳水化合物捨白取啡 

  • 閱讀需時: 0 min

泰國菜人氣之選,香辣咖喱配碗白飯,惹味又飽肚。原來白飯含糖量高,太好味唔小心食多碗,就可能跌入高糖陷阱。想食得放心,不防多啲留意餐牌有無註明係糙米或全麥。為咗方便大家,以下搵嚟幾款糙米及全麥麵菜式,跟住介紹食就唔會錯。

1. 椰奶煮冬蔭刀削麵配雜菇豆腐乾  

位於舊灣仔街市的Ovo Cafe,提供健康素食,甫走入店內已被田園風吸引。餐廳樓底夠高,有足夠空間感,佈置成一個大花園,跟飲食概念非常搭配。食物種類以西式為主,但萬綠叢中一點紅,搵到一款泰式口味「椰奶煮冬蔭刀削麵配雜菇豆腐乾」。刀削麵用全麥制造,口感不變。椰奶冬蔭公比較light,無平時咁辣咁濃味。拌和雜菌豆腐乾,輕盈版泰素食同樣好味道。 

tom yummy!

A post shared by s p a r k l i n g & s t i l l (@genevievelam) on

2. 焗有機雞配椰子糙米飯 

有機快餐店Supafood,門面設計、印刷品用漫畫風,感覺新潮有型。標榜食品90%有機,10%愛,販賣有營有愛,無理由唔幫襯。店家仲會計好卡路里和營養含量,呢款「焗有機雞配椰子糙米飯」有肉有菜蔬有飯都唔怕超標。雞肉嫩滑又唔怕肥,蔬菜界巨星西蘭花,伴隨扁豆和燈籠椒。甜薯、蘿蔔蓉加埋椰子糙米飯,甜甜地又飽肚。份量唔少,就算胃口比較大都夠飽肚。

3. 蒙古孜然炒羊肉,焗椰菜花配糙米飯

Nosh by Secret Ingredients 提供多國菜,中西口味都照顧到。提供的食物都列明卡路里、蛋白質和碳水化合物的含量,可按自己所需而選擇。推介「蒙古孜然炒羊肉,焗椰菜花配糙米飯」孜然辟走羊肉羶味,獨特芳香炒出與別不同蒙古風。糙米飯煮得軟硬適中,配上新鮮椰菜花和捲心菜,營養夠晒均衡。

4. 香菇豆腐大碗飯

位於銅鑼灣禮頓道的Poke,店鋪唔算大,以黑白做主調的設計,簡潔悠閒,open kitchen,設有小量高枱高凳,可以邊等邊睇住店員準備各式餐飲。食物選擇以美、日為主,當中大碗飯仲可以揀選珍珠糙米。推介日式「香菇豆腐大碗飯」,珍珠糙米飯拼日本醋飯,拌以堅果奶油豆腐、雜錦香菇、新鮮海藻、枝豆、紫菜,再淋上香菇昆布醬油,滿滿日式風味。

#vegan #lunch #nom

A post shared by Harry L (@harry_hl) on

糙米麥麵選擇多,立即用戶戶送App或登入 Deliveroo.hk,每日食一款都無難度。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application