全年食過嘅美國菜、日本菜(和食）、西班牙菜...多到不能盡錄嘅美味菜式，年尾埋單就「脂」味。新一年搜羅滋味沙律菜式，等大家實踐到體重管理大計又食到好嘢。Let's salad, go !
1. Classic Caesar Salad
Main St.Deli 係酒店旗下餐廳，提供正宗紐約風味，更推出揉合德州和墨西哥的Tex-Mex風味菜式。掛住食各款招牌菜式，都唔好漏咗「Classic Caesar Salad」。呢度嘅caesar salad可以加雞或三文魚，今次揀雞試下先。雞件略略烤過，表面幾香口，雞肉夠嫩，羅馬生菜同車喱茄超新鮮，平時細細粒嘅麵包糠變咗加大版本，撈埋特制醬汁超好味，完全無俾招牌菜式比下去。
2. 慢煮英式牛仔骨沙律
初出現喺係尖沙咀百周年紀念公園小食亭嘅慢煮工業，廣受傳媒報導，以相宜價錢提供優質輕食西餐。「慢煮英式牛仔骨沙律 」牛仔骨以48小時慢火煮，輕易就「骨肉分離」，仲有大量爽脆生菜、清甜車喱茄，伴以芳香黑醋和優質橄欖油。沙律配搭優質靚牛，原來食沙律一啲都唔寡。
3. 櫻花蝦凱撒沙律
凱薩沙律食得多，加入日式元素又會係點呢？八居酒屋主打燒物、爐端燒，「櫻花蝦凱撒沙律」都係誠意推介之選。新鮮生菜、蕃茄固然唔少得，香脆粟米片代替麵包糠，同樣香脆又多咗份新意。壓軸登場嘅櫻花蝦，充滿鹹香，再加埋辣椒絲，唔會太辣但好惹味。新穎獨特嘅配搭，大大提升食沙律興趣。
4. 無花果乳清乾酪沙律
Fiat Caffe 以汽車作為餐廳設計嘅意大利餐廳，精選優質食材制作高質意式美食。識得揀「無花果乳清乾酪沙律」做前菜，就知係識食之人。無花果香甜，生菜鮮甜，配上意大利乳清乾酪，質地軟身帶甜。醬汁選用意大利黑醋帶果香，完美地提升提整個甜味，再混合香氣撲鼻的黑松露油和碎榛子增加咬口。看似簡單嘅沙律，體現意菜制作。
實踐管理體重大計，立即用戶戶送App或登入 Deliveroo.hk，由各款滋味沙律開始。
