1. Zh
  2. 精選美食
  3. 閙市銅鑼灣發掘珍饈百味
 閙市銅鑼灣發掘珍饈百味

閙市銅鑼灣發掘珍饈百味

嚟到人流極旺的銅鑼灣,搵食當然無難度。成班朋友必食係人都鍾意嘅日本菜,倆口子去頂級扒房据扒夠哂情調。以下仲搵到平時未必留意的珍饈百味,兼可以外賣返屋企慢慢嘆,外賣清單又多咗選擇。

1. 一哥鮑魚酥

香港人鍾意嘆茶,一盅兩件係平常事。但嘆茶嘆得豪啲,緊係要食阿一海景飯店「一哥鮑魚酥」。大隻鮑魚咬落軟而有嚼口,酥撻鬆脆不油膩,沖埋壺靚茶就一流。

2. 釀焗鵝肝蟹蓋

去到阿一海景飯店,食鮑魚是常識吧。既然大家都識揀鮑魚,推介鮑魚以外的選擇。「釀焗鵝肝蟹蓋」大大隻的金黃蟹蓋釀滿鵝肝,入口每啖醇滑甘香,齒頰留香。

3. 八和拼盤

潮洲菜唔只係印象中小檔攤的打冷,潮薈「八和拼盤」唔係只得滷水蛋、豆腐拼鵝翼咁簡單的滷水拼盤,而係有齊八款皇牌滷味,包括鵝片、鵝腸、鵝肝、鵝腎、掌翼、豬大腸、鴨舌、墨魚片,滋味無窮。

4. 潮洲凍蟹

嫌唔夠喉,潮薈仲提供鮑蔘翅肚,各式各樣凍海鮮。「潮洲凍蟹」大大隻,睇見都流口水,蟹肉夠多又鮮甜清爽,下次幫襯都要encore。

5. 虎皮扣肉

介紹完潮洲菜,出名食湘菜的湖南軒有一道臥虎藏龍的小菜 - 「虎皮扣肉」。單睇菜名就覺得好霸氣,其實虎皮之名,沿自炆煮後的顏色而得來。扣肉炆得入味,肉質酥軟,肥而不膩。看似簡單的小菜,食得出廚師非凡的廚功。

6. 香草焗法國黃油雞

拜神、過節定必要用雞,可見對雞呢種食材幾咁珍重看待。食慣中式煮法的雞,不妨試試炊公館「香草焗法國黃油雞」。西式烤雞處理得唔好,好容易肉汁流失,「又鞋又乾」。呢款黃油雞烤焗控制適中,皮脆肉嫩,帶有香草和牛油的香,雞油和雞汁滲埋落扁豆、甘筍,拌菜都好味到停唔到口。

法國燒黃雞 @champ_kitchen_n_bar #yellow #french #chicken #causewaybay #tower535

A post shared by Champ Kitchen & Bar (@champ_kitchen_n_bar) on

外賣速遞都有矜貴美饌,即用「戶戶送」或登入 Deliveroo.hk就食到。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application