1. Zh
  2. 精選美食
  3. 新穎獨特的和食
新穎獨特的和食

新穎獨特的和食

依家我哋接觸到嘅日本料理,即和食,大部份都係日本明治時代形成嘅日本人飲食習慣,當中有壽司、刺身和天婦羅等,都代表着傳統的日本飲食。

壽司和卷物係最受歡迎嘅日本菜之一,最早期嘅壽司係用熟魚製成,一路發展到20世紀後半時期有雪藏技術的發明,令到用魚生做材料的壽司大行其道。

到了今時今日,壽司已經唔再局限係醋飯,蛋同魚生。一衆師傅扭盡六任,絞盡腦汁,從不斷嘗試之中創造出各式各樣嘅新款日本料理。當然其中有啲會好成功,有啲就⋯

位於中環蘭桂坊的Kyoto Joe主打一啲革新的日本料理,所以除咗傳統菜式之外,我搵到好多又好味又新穎嘅獨特的美食。以下落嚟就介紹幾款俾大家,你會發覺創意-真係無限嘅!

1. 辣味啦啦卷

第一次遇到有墨西哥辣椒用來做壽司材料,另外仲有甜菜根,銀杏,牛油果,辣千島醬和腐皮。辣得來同平時食到的芥蘭好唔同,而且呢一味係為咗素食人士而設的卷物,大家都啱食。

2. 薄牛肉配青芥辣醬

除咗壽司之外,想推介俾大家嘅就係呢一味薄牛肉配青芥辣醬。 用上青芥辣醬加上日式燒汁,倒在燒牛肉片上面,食嘅時候湧出陣陣青芥辣香味,牛肉煮得啱啱好,好腍。 如果食得生冷野多,可以試一試這一道菜轉轉口味,值得推介。

3. 椰菜花天婦羅

同平時的天婦羅不同,椰菜花加上甜辣的'是拉差醬',上面在灑上了芝麻,不同跟傳統的天婦羅點到醬油裏面,可以直接食,味道特別又香口,好啱用來做啤酒佐口小食。

4. 天婦羅牛油果

最後為大家介紹一味天婦羅牛油果,脆脆嘅天婦羅入邊包住軟滑嘅牛油果,估唔到咁配搭做出嚟又幾好食。

其實傳統啲嘅壽司,只要用料新鮮,加上師傅嘅心機,一樣係會高顏值,又好食。例如丼丼亭千両元氣板長,都會加小小特別的元素,各有自己嘅招牌壽司。

而家就想食?只要登入戶戶送網址Deliveroo.hk,或使用App就好快會送到。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application