去尖沙咀行完街睇完戲，梗係要去食返餐好啦！但係美食多籮籮，唔知點揀好。為免大家煩惱，今次等我話你知尖沙咀有乜餐廳好食啦！
1. A4和牛及蒲燒鰻魚串燒
日本人喜歡happy hour食吓串燒把酒談歡一下，高木炭大鳥燒提供高質素串燒比大家享受日本人餐飲文化。特別喜歡日本A4和牛及蒲燒鰻魚，和牛油脂分布平均，入口鮮嫩即溶，真係有啲以為食緊雪糕！哈哈... 鰻魚係即叫才起炭火燒的，所以熱辣辣嘅鰻魚帶有炭燒嘅香味，食過返尋味！
2. 海膽·龍蝦汁意式燴飯
有冇諗過海膽同意式燴飯可以點呢？Candies Foodies就提供這個fusion組合，海膽色澤亮麗，入口回甘，質地滑溜。個Risotto做得非常好，可見師傅用心製作！用上龍蝦海鮮汁去煮，所以帶有龍蝦忌廉味，而飯度就剛剛好煙煙韌韌，同個海膽夾埋一齊食，十分creamy!
3. 上海生煎包
上海菜簡直係豐富多樣，每次吃都由涼拌小吃開始，一直到享受完佢嘅包點類及甜品才叫結束！上海姥姥就係不二之選，雞絲粉皮小吃，用自家製嘅醬汁及爽滑嘅粉皮制作。生煎包內裏肉量剛好，充滿着肉汁，包底部煎得脆香！食埋個豆沙鍋餅，喝口凍酸梅湯，咁就百份百滿足！
4. 韓國部隊鍋
近年韓國就如港人的第二個家，掛住韓國食物可以去Cafe Hansik 食吓佢哋嘅部隊鍋，甜酸炸雞及叫支真露頂住癮先啦！部隧鍋嘅靈魂當然有韓式年糕，芝士腸，豬肉，韓國午餐肉，豆腐，芝士片和辛辣麵。個炸雞都唔輸蝕，炸得皮脆內嫩，加上甜酸汁，十分開胃！飲埋支真露係一流享受！
5. 韓式斑蘭白雪蛋卷
同朋友食完飯梗係想轉下場走去食甜品，可以試吓The World Dessert Cafe的韓式甜品，個白雪蛋卷系列，不要以為同我地食開嘅一樣！而其中嘅斑蘭白雪蛋卷，外面係斑蘭海綿蛋糕，中間係一層厚厚的雪白香滑忌廉，仲隱藏咗椰汁布丁。斑蘭與椰汁兩者十分和諧，不會太膩，搞到好鬼想食咗全個系列！
睇完個尖沙咀遊走介紹後，係咪想馬上食到呢？咁就快啲用戶戶送App或進入Deliveroo.hk點菜，美食就會好快送到！
