1. Zh
  2. 精選美食
  3. 茶和美食配對,擦出最夾火花
茶和美食配對,擦出最夾火花

茶和美食配對,擦出最夾火花

一盅兩件夠晒地道相信大家一啲都唔陌生,但其他例如英式下午茶近年亦大行其道,由六星級餐廳到親易近人嘅茶記都有提供。英式紅茶配唔同嘅鹹點、甜點,夾得天衣無縫就係吸引人之處。以下介紹嘅茶、食配搭同樣啱key到不得了,試過就知無介紹錯。

1. 蟹子鮮蝦球燒賣皇

「飲茶」引申埋食點心,兼係聯絡感情嘅好活動,同事朋友、親戚屋企人邊食邊聊天。人齊喇喎,仲唔叫點心、沖靚茶。金功夫點心火鍋 「蟹子鮮蝦球燒賣皇」,蝦肉新鮮爽口又彈牙,上面仲鋪咗脆粒粒嘅蟹子,鮮上加鮮。食點心緊係沖壺普洱,因為普洱消滯解膩,減肥解脂,飲多幾杯茶就唔駛跑圈減肥喇。 

2. 金牌咪走雞

去酒樓食晚飯小菜,基本上都會收茶芥,好自然叫番壺茶,咁飲咩茶好呢?晚飯大魚大肉,除咗普洱,另一選擇係鐵觀音,同樣可以消膩去油。沖好靚茶,叫番碟皇牌小菜 - 畔溪尚嘅「金牌咪走雞」就一流喇。雞肉嫩滑雞味濃,雞汁多到雞湯咁,仲可以用嚟撈埋飯,超滋味。 

#咪走雞#中菜

A post shared by (@kikiwong918) on

3. 炭燒豬頸肉燥飯

台式茶店開到成行成市,總有一間係咗近,珍珠奶茶、特調紅茶或綠茶、薑母茶、冬瓜茶等,種類多不勝數。嚟到101肉燥飯專門店,唔會要大家淨飲咁單調,一於又飲又食擦餐飽。「炭燒豬頸肉燥飯」豬頸肉唔會太肥,個邊燒到有啲啲燶夠香口。肉燥肥瘦均勻又惹味,份量唔孤寒夠晒多,最啱撈飯。拌菜有半邊蛋同時蔬,跟餐仲有一杯飲品,緊係揀珍珠奶茶,啜一啖香滑奶茶、咬一口Q彈珍珠,滿滿台灣風味。 

4. 牛肝菌香煎芙蓉鮮竹

素食主義流行,不論中式定西式,都有多元化選擇。尚素「牛肝菌香煎芙蓉鮮竹」,選用新鮮腐竹,配搭菌味濃郁又營養豐富嘅牛肝菌,一層叠一層煎出香煎芙蓉蛋嘅效果,色香味俱全。店家有款自家黑糖薑茶,顧名思義,自家調製,甜度適中唔會太甜。生薑驅寒、黑糖養氣暖胃,啱晒冬天飲。平時食得junk food多,食下素、飲杯茶,調理腸胃身體好。 

美食、靚茶襯到絕,立即用戶戶送App或登入 Deliveroo.hk,成雙成對送到府上。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application