1. Zh
  2. 精選美食
  3. 「果」然好味健康的甜品
「果」然好味健康的甜品

「果」然好味健康的甜品

嘆完一餐正宗意大利菜心思思想食蛋糕做甜品,但諗起食完要狂做運動減脂就打退堂鼓。咪住,下面介紹嘅甜品好味又健康,食完偷懶唔做運動都應該無問題。講多無謂,立即睇介紹。

1. My Fair Lady

店鋪細細嘅外賣甜品店Grandy Mary,門面華麗少女風,已經吸引一條長龍等候。甜品選擇唔少,仲可以自選3.6香濃牛奶雪糕、乳酪牛奶或意大利頂級乳酪。「My Fair Lady」粉紅外型巳經吸引一眾女士,揀番個意大利頂級乳酪,脂肪含量相對較少。士多啤梨啫喱加埋日式乳酪布丁,淡淡果香又Q彈。

2. Frozen Fruit Bar - Strawberry

Grom係意大利名牌,主張材料由意大利進口,再由香港店放進如實驗室的加工房加工,開放式設計讓大家睇到制作過程唔係造假。皇牌gelato唔多講,介紹排滿雪條的雪櫃,分別四個口味lemon、strawberry、pear、apricot。款款都咁吸引,係因為品質有保證,材料全部100%全天然、無色素、無添加劑。紅卜卜「Strawberry」唔係靠整色整水染成,食完唔會變晒色。嫌逐粒食士多啤梨太煩,食甜品又怕肥或唔健康,呢支果棒將新鮮士多啤梨濃縮成一支,食一支就滿足晒食到水果、甜品又健康的要求。

3. Mango Paradiso

本地品牌XTC Gelato 的產品標榜天然、零添加劑,雪糕低脂,雪葩更係不含脂肪。口味選擇多,花款多多夠晒特色,例如本地口味港式奶茶,或者期間限定焗蘋果金寶。不過講到皇牌之一「Mango Paradiso」,芒果由菲律賓農場直送,造出嚟嘅雪葩充滿濃郁芒果香,冰涼香甜。

4. Nightwolf

Oddies嘅掌舵人學成自法國藍帶廚藝學校,店鋪裝潢玩味有型,連甜品都特別過人。當意式乳酪遇上港式雞蛋仔,賣相巳經勁吸睛,味道又如何呢?熱選款式「Nightwolf」就唔可以錯過。雞蛋仔新鮮現烘,又熱又脆,朱古力雞蛋仔連入面都有滿滿半溶朱古力。意大利扭紋低脂乳酪,都係自家製,天然新鮮,當中有66%黑朱古力,甜度相對減低。底部有熱情果奶凍,酸酸甜甜,喺香濃朱古力中味道更覺突出。仲有啲熱情果汁,可以用雞蛋仔沾埋嚟食。乳酪中仲有脆卜卜牛油脆片,成個甜品口感層次豐富。

想做「果」粉唔駛排長龍,立即用戶戶送App或登入 Deliveroo.hk,就食到「果」味濃甜品。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application