1. Zh
  2. 精選美食
  3. 在愉景灣中心呼喚美食
 在愉景灣中心呼喚美食

在愉景灣中心呼喚美食

交通四通八達嘅旺角,人流極旺,吸引到唔同的食肆進駐,因而喺旺角食最好的美食緊係唔難。轉眼去到四面環海嘅愉景灣,中心地帶原來係「小旺角」,各國美食應有盡有,外賣美國菜唔係唯一選擇,睇哂介紹試試新口味啦。

1. 咖喱羊肉炒飯配沙律

印度咖喱非常出名,由於善用唔同香料、香草調配,做出嚟嘅咖喱美味又獨特。Biryani咖喱飯喺印度極普遍又流行,食印度菜無理由唔食。Ebeneezer's「咖喱羊肉炒飯配沙律」,咖喱唔係辣到嗆口,反而帶有香草味,羊肉嫩滑。我地平時食飯,飯粒短身帶粘。印度米纖長、蓬鬆而唔粘口,口感突出。旁邊仲有新鮮沙律,平衡番咖喱嘅辣。

2. Samosas

咖喱飯係印度嘅美味主食,咖喱角就係非常受歡迎嘅小食或頭盤。走喺印度街頭,唔難搵到佢嘅踪影。嚟到愉景灣嘅中心,搵到McSorley's「Samosas」,跟隨正宗印度口味,可以揀素菜或羊肉。啱啱食完羊,食番個素菜咖喱角啦。睇外型似平時食嘅春卷,但咬落係酥脆可口。因為呢款咖喱角嘅皮係自家製脆炸酥皮,比起春卷皮單純嘅脆,多一層酥脆口感。沾埋薄荷醬,咖喱嘅香辣、酥皮嘅脆、素菜嘅清新、薄荷嘅清涼共冶一爐,完全感受到呢款小食配搭嘅心思。

3. 蒜蓉包配意大利藍芝士及巴馬臣芝士

Pizza Express 除咗薄餅夠出色,仲有漏網之魚被大家忽略。個名毫不起眼嘅「蒜蓉包」,其實實力非凡。表面烘烤至金黃帶微脆,蒜蓉味濃香撲鼻。如果鍾意芝士嘅話,多付$18可加配意大利藍芝士及巴馬臣芝士。蒜香「芝」味沒法擋,唔食就走寶。 

4. Tiramisu 提拉米蘇

香港人飲食文化貪新忘舊,曾經有段時間流行食Tiramisu(提拉米蘇),蛋糕店、餐廳紛紛推出,風頭一時無兩。宜家要搵就難喇,估唔到愉景灣il Bel Paese可以食到「Classic Tiramisu」。呢度沿用意式制法,用咖啡酒浸泡手指餅,唔係用海綿蛋糕代替而太濕,或加咗魚膠粉挺身而偏硬,改變哂原有質感。芝士、蛋、糖混合成忌廉狀和朱古力粉,逐層鋪上,味道層次分明。咁好味嘅Tiramisu,1個人食哂二人份量,獨食難肥仲慳番唔駛做運動減磅。

唔駛搭車又搭船,立即用戶戶送App或登入 Deliveroo.hk ,小食、主菜、甜品一條龍食均。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application