1. Zh
  2. 精選美食
  3. 不同煮法的清真美食送上門慢慢嘆
不同煮法的清真美食送上門慢慢嘆

不同煮法的清真美食送上門慢慢嘆

作為多元文化匯聚嘅都市,喺香港搵餐廳提供好味嘅清真菜,當然無問題啦。無咩頭緒清真菜係食啲咩,我地已經搵咗四款美味菜式。有印度咖喱和烤雞、土耳其轉轉燒,仲有大漠燒羊鞍。

清真美食都有咁多元化烹煮方法,快手睇哂介紹,再到下面嘅連結訂購啦。

1. Murg Malai Tikka

位於上環嘅Bombay Dreams,菜單選擇繁多,揀選「Murg Malai Tikka」,無骨雞胸肉嫩滑仲唔駛吐骨,啱哂啲懶精。炭燒火喉到家,唔會有燶味,仲有香滑醬汁味道突出加哂分,好食到停唔到口。

2. 傳統秘製羊肉

阿拉丁咖喱屋打正旗號食咖喱,怕辣嘅朋友可以揀辣味稍淡嘅椰汁咖喱,食得辣嘅,揀咩都得啦,哈。「傳統秘製羊肉」係其中心水之選,羊肉羶香嫩滑,秘制咖喱香濃夠辣,濃稠度啱啱好。叫個白飯或者傳統Nan 烤餅,撈埋汁超飽肚。

3. 轉轉燒牛肉卷

Istanbul Express的「轉轉燒牛肉卷」,中文名由doner roll轉譯過來,係傳統土耳其旋轉烤肉用包包住食。呢款轉轉燒可以揀牛肉或雞肉,啱啱介紹咗雞肉,就揀轉轉牛試下。燒烤過嘅牛肉夾埋生菜、洋蔥、蕃茄,加埋特式自家調製嘅醬汁,捲埋食得,方便又好味。

4. 鎮店清真古法極品燒羊鞍 

新疆菜以清真菜為主,「大漠」打正旗號食新疆菜,尤其食羊肉特別出名。「鎮店清真古法極品燒羊鞍」有齊幾個重要元素,鎮店・清真・古法・極品,菜名咁勁都唔揀真係對唔住自己。經過獨家嘅調味,古法烤製,肉嫩惹味。拎起支羊鞍,一口咬落去,好似化身做大漠嘅大漢。

港九都有餐館提供清真美食,立即用戶戶送app或登入 Deliveroo.hk,襟個制就可以訂購。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application