1. Zh
  2. 精選美食
  3. 美食無分好壞,漢堡薄餅速速食
美食無分好壞,漢堡薄餅速速食

美食無分好壞,漢堡薄餅速速食

諗起美國菜,去steak house鋸扒夠情調。但係生活緊張繁忙,想嗱嗱聲食啲fast food,但又好似太肥膩,營養唔均衡。以下細選漢堡、薄餅,健康有營,食得放心。

1. 特色燒大菇漢堡

漢堡小店Burgerman,主要以外賣客為主。店內亦設有吧枱,可容納少量客人。漢堡製作認真,選擇不少而且睇出配搭有心思。「特色燒大菇漢堡」以香蒜燒大菇,烤到半溶車打芝士,加埋秘製洋蔥絲和白菌絲。蒜頭、芝士、洋蔥做天然調味,健康素食口味一啲都唔寡。

2. Beyond Burger Plus 

影星里安納度狄卡比奧亦有份投資,兼擔任宣傳大使嘅Green Common,大大提升大眾注意度。招牌菜之一「Beyond Burger Plus」,未來漢堡採用天然植物,製作成味道、質感和營養都接近肉類嘅漢堡,食得放心又健康。配以清爽生菜、蕃茄和素芝士,同平時食開嘅肉類漢堡可以話係無乜唔同,唔駛怕素口味會怪怪地。挑選Plus版,多咗一層super food牛油果,簡直健康到不得了。

3. 鮮蝦牛油果薄餅

Petit Deli設計精緻有心思,不單提供多款咖啡豆,品嚐咖啡香,更有自家製作意大利菜。悠閒環境和氣氛,感覺寫意自在。薄餅選擇想食得light啲又唔想全素,推介「鮮蝦牛油果薄餅」。自家製薄餅,外層烘得脆脆地,入面有點鬆軟似麵包,外脆內軟唔太油膩。餡料擺放平均,每件都食到大隻鮮蝦同香甜牛油果。

4. Garlic Snowing Pizza

韓式意大利菜Mad for Garlic,睇名都估到餐廳以蒜頭作為主打,標榜九成半菜式都會用到蒜頭,就連甜品都有,果真夠mad。先從主菜入手,試下皇牌之選「Garlic Snowing Pizza」。薄餅用上韓國麵粉,由人手搓製,非常薄身,烘烤出嚟更加脆卜卜。薄餅鋪滿蝦、菠蘿和大量炸蒜片,配搭出奇地夾,特別係蒜片食落香口,無想像中咁怪。至於Snowing 嘅芝士,可選擇唔加。擔心太heavy,淨食蒜香都好香噴噴。 

唔駛左諗右諗,立即用戶戶送App或登入 Deliveroo.hk,速食健康漢堡同薄食。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application