椰子周身都係寶，面層有纖維表皮，內有可食的厚肉，以及清如水的椰汁水。佢有莫大功效，椰子肉含蛋白質，對鍛練肌肉的人有幫助。椰子水具滋潤，清暑解渴功效。因此， 泰國菜喜歡加入椰奶或椰子水來烹調菜式，貪佢夠天然，能提升食物層次，事不宜遲，馬上介紹幾款比大家。
1. Coconut Poached Chicken Salad
位於伊利近街的Cicada提供亞洲Fusion菜、壽司、沙律及燒烤。夜鬼們不愁沒嘢食，佢哋營業至晚上11:30，咁晚就梗係叫啲輕盈餸菜，一於來個受歡迎的「Coconut Poached Chicken Salad」，雞肉先以椰奶及大量香草煮成，所以肉質更加滑口，並帶有椰香，加上新鮮脆口蔬菜，整體淸新開胃。
2. Gaeng Massamun Ka Gae
喺蘇豪區內發掘到少見菜式，泰菜提供嘅肉類多數有豬、牛、雞。Koh Thai內有個以馬沙文咖哩配襯羊腿，叫作「 Gaeng Massamun Ka Gae」，羊腿係花上6小時慢煮至肉嫩多汁，而馬沙文咖哩，帶點馬拉及印度風情，以椰奶及多種香料炮製成的，辣得來又帶些甜味，就算怕辣的你也能吃到。
3. 泰式椰奶雞湯
試咗兩個肉食後，找個湯水來滋潤一下吧！泰菜內的湯水，不是只有冬陰公的，可以選擇「泰式椰奶雞湯」，喺Mak Mak內的做法：椰奶、雞湯、南姜作個湯底，之後才放入雞肉及其他香料，最後放回到新鮮椰子內，送上給顧客品嚐。
4. 皇室甜品- 椰王燉蛋白雙丸
用餐到咗尾聲，點少了甜點呢？今次唔係要介紹泰菜內的椰汁芒果糯米飯，而係介紹廣東甜品，喺九龍城內的皇室甜品提供熱食的「椰王燉蛋白雙丸」，雙丸指紫色的芋圓及白色的芝麻湯圓，以及有大量西米，很有咬口，椰汁十分香濃，由於係熱食關係，吃完暖胃。
