1. Zh
  2. 精選美食
  3. 港人食瀛 - 港式美食加東瀛元素
港人食瀛 - 港式美食加東瀛元素

港人食瀛 - 港式美食加東瀛元素

日本菜大愛嘅刺身、和牛、以至屋企都煮到嘅拉麵,唔止咁,東瀛風仲滲入埋我地食慣嘅茶記同糖水鋪。而當阿爸阿媽仲回憶舊時嘅味道,我地已經食緊東瀛新口味喇。

1. 龍蝦湯叉燒湯意粉・日本農場炒滑蛋・牛奶厚多士

外國嚟嘅朋友仔,最鍾意去港式茶餐廳食常餐,沙嗲牛、火煺通加個餐包就滿足晒。但我地去茶記,呢啲滿足唔到㗎喇。「香港地」的「龍蝦湯叉燒湯意粉・日本農場炒滑蛋・牛奶厚多士」湯意粉唔單止有龍蝦湯,仲要選用日本農場嘅蛋做炒滑蛋,品質有保證,炒蛋更滑更香蛋味。撞正嚟自日本嘅朋友,以為食到正宗地道香港嘢,點知隻蛋係自己家鄉... 無計啦,香港人對日本太狂熱。

2. XO 醬豬扒炒出前一丁

香港人最鍾意食嘅即食麵,嚟自日本嘅出前一丁實無走雞。又唔知幾時開始,興起咗食炒出前一丁,「銀龍茶餐廳」的「XO 醬豬扒炒出前一丁」豬扒夠腍,個麵keep住彈牙,仲用超惹味XO 醬,落足本唔hea 炒。幾蚊雞嘅即食麵,炒幾炒就變咗幾十蚊。不過,香港人鍾意日本嘢,又鍾意炒嘢,呢碟抵食㗎。

3. 特色山葵醬青瓜雞絲冷麵

辣辣壽司邊個食,入面嚿wasabi令到食嗰位辣到標眼水,坐係電視機前面嘅各位笑到標眼水。其實wasabi 除咗沾落魚生壽司食,有時仲用嚟做調味料煮食。「慶麵」的「特色山葵青瓜冷麵」,青瓜冷麵清新爽口,雞絲低脂唔怕肥,加埋日式青葵醬做saucing,略帶微辣而開胃,唔會食到你標眼水。

4. 宇治金時

甜品店唔單止大路嘅糖水、豆腐花、西米露,仲要諗好多花款,攞到like又要好食。「皇室甜品」的「宇治金時」食正日本風,又落重本,用日本宇治抺茶粉做雪花冰,茶味帶甘襯晒個名。自家制抺茶雪糕又香又滑、心機之作。飽滿嘅日本紅豆,同煙韌白玉小丸子彈,一紅一白簡直係絕配。

想食幾款唔同瀛式嘅香港美食,立即用戶戶送App或登入 Deliveroo.hk落單啦。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application