1. Zh
  2. 精選美食
  3. 甜蜜芒果美食掃走鬱悶
 甜蜜芒果美食掃走鬱悶

甜蜜芒果美食掃走鬱悶

素食唔係淨食蔬菜咁單調,仲可以食下時令鮮果,好似香甜芒果,食咗甜蜜又開心。芒果美食選擇多,睇完介紹更清楚,有凍有熱和唔同做法,梗有一款啱你

1. 多芒小丸子

芒果甜食一定會諗起本地品牌許留山,作為本地大型連鎖店,不斷求變革新。各式芒果系列都廣受歡迎,更成為遊客打卡熱點。皇牌之一「多芒小丸子」,選用菲律賓呂宋芒,將芒果打成汁做底,中間一大球冰凍芒果蓉,再放入大大粒芒果肉,香甜可口。唔講唔知,小丸子係自家制,煙韌彈牙。製作認真嘅多芒系列,難怪成為皇牌之選。

Mangooooooooo 🍨 #day9 #hongkongdessert

A post shared by Jenny (@jennyyeex3) on

2. 芒果蛋白燉鮮奶 

同樣係連鎖店嘅發記甜品,由深井衝出港九,分店愈開愈多。港式糖水或特色點品各具特色,芒果系列亦長據人氣榜首。凍冰冰嘅天氣,食碗暖笠笠燉品就啱晒。「芒果蛋白燉鮮奶」蛋白、鮮奶滑溜溜,美白滋潤,一邊嘆甜品,一邊護膚養顏。表面鋪滿芒果,甜而不漏。食得靚靚,成個人開心晒。

3. 青芒果沙律

尖沙咀有條韓國街,九龍城就有個小泰國。其實九龍城總有一間泰國餐廳喺左近,昭拍耶係其中一間。老闆同時經營泰式雜貨店,用料夠正宗。「青芒果沙律」選用泰國青芒果,咪睇青青地以為酸,其實好清甜。加埋紅蘿蔔絲、洋蔥絲、辣椒和花生,爽口微辣而且脆卜卜。層次豐富,醒胃醒神。 

4. 芒果雪花冰

「Let it go let it go...」其他芒果系列暫時靠邊站,糖佰府「芒果雪花冰」先係冰雪女皇嘅至愛。芒果肉加埋冰塊打成薄薄嘅冰片,好似雪花逐層叠上,成個芒果雪山咁,再係上面淋上甜蜜蜜茫果汁。旁邊伴有鮮甜芒果肉,啖啖芒果甜極速溶係口。係咁凍嘅天氣食雪花冰,真係凍到笑呵呵。

#MangoSnowIce #TongPakFu #糖伯府

A post shared by Lay Chin (@laychinkoay) on

唔怕濕熱,至怕無得食,立即用戶戶送」App或登入 Deliveroo.hk,食晒各款芒果美食。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application