1. Zh
  2. 精選美食
  3. 香口墨西哥vs肉肉西班牙之小食對對碰
香口墨西哥vs肉肉西班牙之小食對對碰

香口墨西哥vs肉肉西班牙之小食對對碰

外賣速遞美食愈嚟愈普遍,不單止墨西哥菜都有得外賣,西班牙菜都有。一於尋找藏身於香港的Tapas美食,一次過介紹墨西哥同西班牙小食,等大家開派對又多啲選擇。

1.Carne Asada Fries

要講墨西哥小食,第一時間緊係墨西哥玉米片配特色醬料。香口脆卜卜大多數好受歡迎,今次唔食玉米片食薯條,同樣配上墨西哥醬汁,唔知夾唔夾呢。11 Westside「Carne Asada Fries」,唔係沾下茄汁咁簡單,薯條上面鋪滿特色醬汁,入面嘅墨西哥辣椒和牛油果,令醬汁充滿辣勁得嚟又帶啲清新。比起有些薯條加煙肉粒,這個加了烤小牛排粒,又嫩又香,口感更豐富。

2.Cali-Wings

燒雞翼,我鍾意食。相信唔止我,好多人都鍾意食,咁就一齊嚟食Cali-Mex Bar and Grill 「Cali-Wings」墨西哥燒雞翼啦。墨式雞翼表面燒到香口帶脆,煙熏BBQ風味非常惹味。食到辣嘅話,沾埋墨西哥辣醬就更加過癮。

3.烤牛柳

西班牙因為地理位置關係而有大量海產,所以西班牙菜唔難搵到海鮮踪影,小食嘅吞拿魚他他或燒墨魚筒都非常吸引。不過食肉獸朋友始終要有肉到肚,Ricos Tapas & Wine「烤牛柳」就啱哂。牛柳切得較細,都可以算係「一口牛」,肉質非常嫩滑。醬汁有啲蒜粒和香草,味道層次豐富唔經唔覺一粒一粒咁就食晒。

4.Pluma Hansburger

香港人貪新鮮出晒名,傳統西班牙小食巳經滿足唔到大家,於是又再發掘啲特色嘢。好似Chico Chica係一間fusion 嘅西班牙小酒館,裝潢有型有格,tapas款式充滿玩味。「Pluma Hansburger」用蒸籠盛載,造型似漢堡,但係中式大包夾住嘅係西班牙伊比利亞黑毛豬,仲有青瓜墊底,加埋鮮味十足海鮮醬。呢個豬肉大包味道和外型都滿分,仲唔吸引一班貪新鮮嘅為食朋友。

唔駛飛去墨西哥或西班牙,立即用戶戶送App或登入 Deliveroo.hk 就食到佢地嘅小食喇。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application