夏天出街熱辣辣，最好可以喺室內，涼浸浸地嘆小食。香港街頭小吃食得多，不如試試新意，食吓墨西哥街頭小吃！唔只有墨西哥卷，還有配料豐富的Nachos、健康可口的Tacos、惹味開胃的Buffalo Wings、清新有益的Guacamole。嚟到香港還變成墨西哥菜餐廳的受歡迎美食，嗱嗱聲介紹一下比大家，涼爽地喺室內嘆番餐！
1. 招牌玉米薄脆 （灣仔）
Coyote Bar & Grill的「招牌玉米薄脆」配料十分豐富，有黑豆、墨西哥辣椒、黑水欖、牛油果醬、碎蕃茄粒及酸忌廉。還可從烤雞肉條加辣肉腸、香辣牛肉、煙燻手撕豬肉、素食中，四選一來作配搭，無論點選那款，款款都出色好味！
2. Mexi Fries（尖沙咀）
喜歡吃辣的，這個小吃定能奪得你的心！咪就係由Tequila Jack's製作出的Mexi Fries囉。表面單睇只係厚切薯條加溶化了的車打芝士，面層鋪滿蕃茄粒及青椒粒，但係當然唔係咁簡單啦，薯條不用多講，不油膩，且咬下去有嚼口，沾上芝士味香口，食落慢慢滲出辣勁來，皆因用上墨西哥辣椒（Jalapeno），這個辣椒以刺激辣味聞名，真是辣到跳舞吖！
3. Tacos (灣仔)
街道小食給人邪惡食物感覺。Verde MAR的「Tacos」內可以在豬、牛、雞、魚、蘑菇、素食當中點選三款，點來Veggie、蘑菇、加個雞肉餡料，咁樣邪惡感就頓時大減，更顯出食得健康！香脆的玉米餅底，盛載着紅紅綠綠的蔬菜，還有一球球的牛油果醬，吃幾多也不怕肥胖！饞嘴沒有後果就是這樣吧！
4. Guacamole (堅尼地城)
另一款綠色之選就是「Guacamole」，即牛油果醬。11 Westside 的 Guacamole，即叫即整，保證新鮮送上。牛油果肉加入蕃茄粒、紅辣椒、香葱、新鮮青檸汁、及適量鹽粒吊味，大大盆，清香洋溢，極受歡迎！用玉米片來點吃，簡直人間美食，所以這個街頭牛油果醬走入餐廳內。
墨西哥小食嚟到香港咁受歡迎，馬上用「戶戶送」app或登入Deliveroo.hk下單，快點叫回來吃吧！
