返工lunch hour時段，同事常問到：食飯定食麵好？十居其九選「麵食」，跟著再問食日本拉麵，意大利粉，抑或其他炒粉麵？不用懊惱想爆頭，只要跟住推介包你食到中式，日式，意粉，馬來西亞，越式的各款精彩麵食，輕鬆過每週！
1. 辣辣四川辣麵
週一驅除Monday Blue，梗係要食吓啲辣嘢醒醒神，川館提供泡椒菜式和燃麵，個泡椒蜆肉燃麵一定要食，蜆肉份量滿滿，海洋控必定歡喜，川菜常見嘅紅油，係這處無出現，但實情用上泡椒，辣勁慢慢滲出來。麵就用上幼身麵條，有嚼勁並掛湯汁，夠晒醒神！
2. 日本秘製沾麵
好好面對星期二，為咗氹下自己，咁就返吓「拉麵家鄕」一風堂食個沾麵，點解選沾麵非拉麵，只因用慢煑豬骨湯，魚介湯同醬油製成秘製湯底，味道較拉麵湯底濃味，配上彈牙嘅麵，重有流心溫泉蛋及肉條，返家鄕食一餐，氹自己開心，話都無咁易！
3. 鮮蝦蟹肉意大利粉
星期三，終於過了一半，食雙重芝士焗海鮮蝦蟹肉意大利粉，意粉屋用上巴馬臣芝士及馬蘇里拉芝士，味道香濃！面層仲有蝦同蟹，意粉煑至軟硬適中，整體分量充足，為一星期嘅中間來過雙重享受！
4. 越式風味香茅豬扒撈檬
忍忍吧！還有一天便週日。今天就來個越式風味嘅香茅豬扒撈檬，Refresh一吓！越棧越式湯粉專門店嘅豬扒重香茅味，肉質軟腍，熱辣辣好味！檬粉加入酸甜汁後撈勻來吃，酸甜中又帶點微辣，刺激味覺，食落檬粉滑溜又醒胃，為開始掉能量的你，再次加入正能量！
5. 夠鑊氣炒貴刁
星期五，就來放假啦！就要找啲夠鑊氣嘅炒嘢食，好似莎巴馬來西亞餐廳的炒貴刁，棵條加入醬油，辣椒，蝦，豆芽，韭菜和雞蛋花，仲有魚片來增添風味，炒得乾身，但不油膩，咁就夠傳統，夠正宗，夠鑊氣！唔好再問點解係「辣」？只因傳統食譜就會下辣椒哦！
話都無咁容易解決了lunch time嘅選擇，咁快啲用戶戶送App或登入 Deliveroo.hk 下單，輕鬆過每週。
