由於香港的地理位置優越，係世界貨運樞紐中心，所以各地嘅美食包括海鮮都可以喺香港搵得到。亦都係因為咁各國嘅海鮮烹調方法都喺呢度大放異彩，喜歡食海鮮嘅朋友，就會知道香港係食海鮮嘅好地方。
談到海鮮，知唔知今年休漁期由2.5月増至3.5月呢？目的係為咗拯救海洋，令到海洋生態持續多樣化，間接我哋亦可持續品嚐新鮮游水海鮮，不失美食天堂的美譽，所以休漁期一定要支持！
想食好食嘅海鮮，唔需要去到鯉魚門嘅，睇睇以下我哋為你介紹幾個受歡迎的中式海鮮菜式，一定想點返個品嚐！
1.椒鹽賴尿蝦
咪睇樂翠園海鮮菜館似街坊店，佢哋師傅炒出來的椒鹽賴尿蝦鑊氣十足，充滿住蒜蓉，蔥頭，椒鹽及紅椒混成嘅醬料氣味，蝦係超甜多肉，拆肉嗰時記得先幫牠來過蜈蚣跳鬆一鬆，咁蝦肉便自然離殼，完整蝦捧便練成，真係好得！
2.蒜茸粉絲蒸元貝
呢個餸可以話係必食嘅菜式，蒜茸粉絲蒸元貝，睇落去好似簡單，實質要控制火候得宜才行。點叫好？就要好似新新酒樓吃到的般，粉絲夠入味軟身有汁，元貝蒸得彈牙，淋上用豉油，蔥花及蒜茸組成嘅醬汁，咁就惹味！記得多餘嘅醬汁，用嚟撈靚仔（白飯），一定吃到停不了！
3.糖醋魚塊
甜甜酸酸嘅糖醋魚塊，大人細佬一定喜愛，啱晒懶人，不用吐骨。哈哈⋯金滿庭出爐的魚塊係真材實料，肉質鮮嫩，炸到金黃酥脆，脆醬係薄薄一層，並非如厚厚的外皮包著。醬汁嘅酸甜度得而，非常適合作開胃料理。
4.杏汁菜膽燉花膠
花膠可以講人見人愛，男女必愛！佢係傳統嘅珍貴食材之一，女人食咗潤澤肌膚，具有養血美顏。男人就固本培元，促進新陳代謝。富東海鮮酒家嘅杏汁菜膽燉花膠，最適合秋日進補，一口咬定便感到如年糕般煙韌細滑，加上滋補杏汁養顏，咁就絕配！
5.鹵水大連鮮鲍
阿一海景飯店有款食得招積的鹵水鮮鲍，招積係在外貌像蛋撻，一口一個，你都咪話唔豪！原隻大連鲍放係酥皮撻上面，口感軟腍，多汁，加上酥皮香脆，加上係米芝蓮推介嘅餐廳，完全滿足狀態！
想食到好食嘅海鮮菜式，用戶戶送App或進入Deliveroo.hk下單，美食馬上送到！
