由星期一做到星期四，終於嚟到開心星期五，緊係約齊人食餐好。港島區蘇豪，或九龍區尖沙咀都有特色酒吧、餐廳，今次搜羅到有水準的中菜，充滿度假feel的泰菜，熱情如火的巴西燒烤，同埋時興的西班牙Tapas美食。每款都咁正，一個月有四個星期五，啱啱好試均晒。
1. 東江沙薑雞
蘇豪Dragon i係著名嘅clubbing熱點，極富中國色彩的設計，配合晚上燈光，吸引熱愛夜生活的中外時尚人士或名人到訪。但係未到深夜，呢度就搖身一變轉為提供中、日菜的fusion餐廳。大經燈籠高高掛的氛圍下，揀選中菜夾啲。「東江沙薑雞」係晚市熱選，沙薑味適中，唔會太鹹搶走雞味，雞肉鮮嫩有彈性。品嚐完咁有水準晚飯，唔駛轉場就可以繼續狂歡。
2. Thai Style Wood Roasted Chicken
蘇豪另一啱晒開心星期五嘅東南亞funsion菜餐廳Mama San By Will Meyrick，老闆兼主廚Will Meyrick有街頭廚師之稱，餐廳設計帶東南亞風情，兼備型格時尚格調。「Thai Style Wood Roasted Chicken」，啱晒大班人分享。以黑椒、芫茜、蒜頭醃得入味，烤得肉嫩惹味，連雞皮同樣入味又香脆。
3. Chicken Wings with Panca Chili and Beer Marinade
星期五放咗工想BBQ，蘇豪嘅巴西燒烤BRAZA Churrascaria就啱晒。「Chicken Wings With Panca Chili and Beer Marinade」以南非panca辣椒和啤酒醃製，燒出巴西狂熱。惹味香噴噴，唔駛「透」爐生火，都可以同成班朋友享受BBQ之樂。
4. 香煎蟹餅
蘇豪固然多特色餐廳酒吧，方便上班族放工就可以去狂歡。隔個維多利亞港嘅九龍區，要同朋友歡聚應該非尖沙咀莫屬。鍾意食西班牙Tapas，可以到西班牙菜餐廳El Cid Spanish Restaurant。Tapas選擇多元化，以海鮮入饌的小食樣樣都啱食，推介「香煎蟹餅」，精緻賣相已吸睛，食落啖啖蟹肉，旁邊仲有特調醬汁增添美味。
開心星期五開始喇，立即用戶戶送app或登入 Deliveroo.hk，call齊朋友狂歡啦。
