1. Zh
  2. 精選美食
  3. 肉嫩皮脆靚燒鵝等住你嚟試
肉嫩皮脆靚燒鵝等住你嚟試

肉嫩皮脆靚燒鵝等住你嚟試

喺高級餐廳食靚鵝肝,等同識食識享受。其實中菜都有靚鵝食, 廣東菜入面嘅燒味,以燒鵝為首。皮脆肉嫩嘅肥美燒鵝,口感肉質更勝燒鴨,不過價錢相對高。以下搵嚟大眾化的茶餐廳或小餐館,絕對抵食抵讚。

1. 燒鵝(深水埗)

深水埗區相對多街坊食店,喺縱橫交錯的小街,往往有驚喜發現。今次第一站嚟到快靚正燒味茶餐廳。店名開宗明義係快靚正。燒味。茶餐廳,完全符合搵食要求同埋香港匆忙嘅生活節奏。廢話少講,即試「燒鵝」一碟。連菜式名都簡單直接,哈哈。鵝皮燒到晶瑩通透,咬落香脆。大大件鵝肉嫩滑唔鞋口,加埋淋咗啲燒鵝汁,好味停唔到口。

2. 黑椒燒鵝(深水埗)

除咗街坊食店,喺深水埗仲搵到過江龍老字號,由澳門發跡兼有米芝蓮推介嘅新蘇記燒豬大王。其中招牌「黑椒燒鵝」唔係周圍食到,先用黑椒加香料及藥材,塗勻鵝鴨內醃味及風乾外皮,再用電爐燒熟,火候控制得啱啱好,皮脆肉嫩。加上黑椒味同鵝味互相配合,獨特味道令人回味無窮。

3. 鵝皇燒鵝(太子)

深水埗行出啲嘅太子,鄰近港鐵站、巴士站,地理位置方便嘅鵝皇館,唔駛特登去深井都食到靚鵝。呢度特設燒爐,確保自家製作嘅水準。燒鵝選擇又多,原隻、半隻,或燒鵝拼燒味,或燒鵝碟頭飯又得。「鵝皇燒鵝」明爐新鮮燒製,切得大細啱啱好,皮脆肉嫩,加上鵝香撲鼻,咁方便就食到靚鵝,真係鵝迷福音。

4. 至尊燒鵝飯(九龍城)

九龍城嘅地茂館粥麵燒臘茶餐廳,燒味碟頭飯抵食又大件。「至尊燒鵝飯」份量唔少,鵝件整齊排列,淋上暖暖嘅燒鵝汁,美味飽肚。

唔駛山長水遠搵燒鵝,立即用戶戶送或登入 Deliveroo.hk就食到。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application