1. Zh
  2. 精選美食
  3. 青紅咖喱火辣辣,試多幾間呱啦啦
青紅咖喱火辣辣,試多幾間呱啦啦

青紅咖喱火辣辣,試多幾間呱啦啦

紅、黃、綠除咗係大家非常熟悉嘅紅綠燈,仲代表泰國三色咖喱。最辣係青、中量級係紅、輕量級係黃。今次想食得火辣辣,一於由戶戶小廚登陸嘅灣仔出發,搜羅各區青咖喱和紅咖喱。

1. Thai on High - Green Curry

灣仔出發有Thai on High 「Green Curry」,青咖喱煮得出色,辣得嚟有微微椰奶香,唔駛怕椰奶味太濃搶左咖哩味。雞 / 牛 / 豬三選一,青咖喱配雞最夾,所以揀雞。最超值係呢個價錢巳搭配飯,更選用泰國香米Jasmine rice,口感帶黏又不失彈性,飯粒沾上青咖喱汁,泰好味。

2. 晴苑泰國菜 - 青咖喱炒飯

平時食開青咖喱都係一碗汁嘅形式,晴苑泰國菜「青咖喱炒飯」,直接放埋青咖喱落去炒飯,好似坊間有東蔭公炒意粉,比較特別無咁悶。味道不錯,每粒飯都包滿青咖喱,又唔似平時撈咖喱汁撈到d 飯濕哂,同樣有豬 / 牛 / 雞任選一,值得一試。

3. Nahm Vietnamese & Thai - 青咖喱焗杏仁三文魚

Nahm Vietnamese & Thai 是一間泰越式餐廳,選了Nahm的推介「青咖喱焗杏仁三文魚」。三文魚表層有啲杏仁粒,脆脆地好有咬口。青咖喱嘅辣無搶走三文魚鮮味。伴菜有翠玉瓜和南瓜,吸收左帶魚鮮嘅青咖喱汁,同樣好味。

4. Mango Tree - 紅咖喱烤鴨

係時候到紅咖哩出場,推介的是Mango Tree 「紅咖喱烤鴨」。烤鴨烤得適中,保留鴨肉鮮嫩。紅咖喱加左菠蘿、車厘茄、荔枝和甜羅勒,帶甜又能提升味道,更增添東南亞風味。

5. Orange Elephant Thai Restaurant - 錫紙焗紅咖喱海鮮

香港人出名鍾意食海鮮,就推介Orange Elephant Thai Restaurant 的「錫紙焗紅咖喱海鮮」給你。紅咖喱質感比較稠,配蒜茸包或薄餅會比較好(餐單可另點)。唔知係咪有塊錫紙包住,掀開果下濃香咖喱味湧出黎。海鮮有魚塊、蝦、青口、魷魚,都算幾多料。

錫紙焗紅咖喱海鮮,辣得嚟好刺激, #送飯一流 啊! #無辣不歡 嘅請揮手 🙋

A post shared by Orange Elephant 泰國餐廳 (@orangeelephanthk) on

睇到食指大動的話,立即用戶戶送app或登入 Deliveroo.hk ,話咁快食到火辣辣青紅咖喱。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application