1. Zh
  2. 精選美食
  3. 上網襟個制就食到傳統中式佳餚
上網襟個制就食到傳統中式佳餚

上網襟個制就食到傳統中式佳餚

喺香港搵食難真係無錯,難係難在環球美食應有盡有,選擇困難症發作起上嚟,真係唔知點揀好。今次還原基本步,食番自己主場嘅傳統中式美食,由美食多籮籮嘅尖沙咀出發搵食。

1. 金衣蟹皇粥

粥唔係身體唔舒服時先食,亦都唔係窮到食粥水。粥可以加豬、牛、雞、海鮮、海味咩都得,池記「金衣蟹皇粥」就係其中必食之選。粥底煲得綿滑,加埋蟹更加將鮮味大提升。反轉大蟹蓋係勁多蟹膏,一啖蟹膏一啖粥,或者剔晒啲蟹膏放落粥撈混食,一樣咁甘香。

2. 足三兩花膠肉餅

蒸肉餅係每個人屋企必有嘅家常小菜,每個屋企都有獨門秘方。肉餅哥小炒料理嘅秘方就吸引好多人大排長龍,肉餅種類多,又可以揀蒸或煎。今次試「足三兩花膠肉餅」都係人氣高企之選。花膠足三兩無呃秤,大到成塊花膠扒,煮得又軟又入味。新鮮豬肉手剁肉餅,爽彈又唔乾。份量十足、價錢經濟,家嘅味道,百食不厭。

3. 克勤厚切豚肉叉燒

斬料、斬料、斬大嚿叉燒,廣東燒味除咗叉燒,仲有燒鴨、燒鵝、燒肉等。過節酬神、斬料加餸或者貪方便整盒燒味飯,燒味係我地日常飲食不可缺少嘅美食。左麟右李主打廣東傳統美食,「克勤厚切豚肉叉燒」當然唔可以錯過。肥瘦適中,蜜味香濃,香軟可口。明白大家叉燒鍾意斬大嚿啲,呢度厚切叉燒啖啖肉,合晒大家心意。

4. 香脆蝦多士

近來興起懷舊風,有啲酒樓餐廳重推手工粵菜,好似蝦子柚皮、金錢雞。新新酒樓「香脆蝦多士」就大人細路都啱食。咪睇材料簡單,蝦、蛋、麵包、麵粉炸埋一齊就食得。廚師利用蛋漿黏實蝦和麵包,麵粉唔可以太厚,最緊要控制火喉,炸出嚟就入口香脆唔油膩。 

#蝦多士#古法

A post shared by @ duelerft on

傳統廣東美食令人垂涎三尺,立即用戶戶送App或登入 Deliveroo.hk 訂購就有得食。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application