1. Zh
  2. 精選美食
  3. 唔理春夏秋冬,幾時都可嘆盡各款BBQ菜式
唔理春夏秋冬,幾時都可嘆盡各款BBQ菜式

唔理春夏秋冬,幾時都可嘆盡各款BBQ菜式

未到夏天去海灘玩水兼BBQ,但如果想食燒烤,人氣高企嘅韓燒已經燒著各位心入面團燒烤火。惹味BBQ醬配搭各式肉類和燒法,例如美式燒烤、港式燒味、日式串燒,兼韓式燒雞,繼續燒呀燒,等團火燒到夏天就夠晒hot。

1. 招牌蜜汁叉燒 

韓風熾熱帶動韓國菜大受歡迎,新派韓國燒烤亦都攻陷大家口胃,例如蛋邊爐燒肉、熨斗烤豬、水晶板燒肉,唔同燒法加秘製韓式醃料和醬料,食盡地道韓燒風味夠晒過癮。講到地道,點能夠錯過港式燒味。位於中環嘅利寶閣,各款燒味出晒名。「招牌蜜汁叉燒」採用秘製醬汁醃製,蜜味燒烤味道超惹味。而且烤爐的火候控制得好,唔會又乾又燶流失肉汁。地道港式叉燒用嚟送飯,幾時食都咁一流。 

A post shared by Cindy Guo (@_cindy_guo) on

2. 榮式雞扒飯 

同樣係本地薑,榮式燒雞扒分店遍佈香港仔、灣仔、銅鑼灣、佐敦、屯門,招牌菜同店名一樣,就係榮式燒雞扒。以燒雞扒配飯、撈丁、撈烏冬都咁好味。「榮式雞扒飯」大大碟嘅碟頭飯夠晒地道,雞扒成隻手掌咁大,雞皮香脆唔會勁油。雞扒肉嫩多汁,榮式獨特調味,味道似照燒汁又帶少少黑椒味,兼有少少甜味。味道層次豐富,食完呢個飯,已經諗緊下次要試埋其他菜式。 

3. 秘製汁燒鮑魚

尖沙咀的串酒里串燒專門店,引入火山石燒技術,能更有效控制燒烤度,鎖住食物肉汁完全無難度。食物種類多,連醃料醬汁都勁多選擇,鹽燒、麻辣、川式、野味汁、泰式辣汁、黑松露蒜蓉...多到未能盡錄。「秘製汁燒鮑魚」,燒烤燒到鮑魚夠矜貴,飽滿的鮑魚,搽上唔係周圍食到嘅秘製汁,包保食過翻尋味。 

4. Spicy BBQ Chicken 

壓軸推介,銅鑼灣的The Hwaduk,新派韓式烤雞餐廳,採用意大利火山岩爐焗製,比起食炸雞較為健康。「Spicy BBQ Chicken」香脆雞皮,嫩滑雞肉,配上香辣韓式BBQ調味,獨特惹味,後勁頗強的辣味,愈食愈刺激。 

唔駛開爐生火,立即用戶戶送app或登入 Deliveroo.hk,就食到美味BBQ菜式。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application