1. Zh
  2. 精選美食
  3. 今日精選 -「魚」樂無窮,「泰」好味魚餅!
今日精選 -「魚」樂無窮,「泰」好味魚餅!

今日精選 -「魚」樂無窮,「泰」好味魚餅!

今日戶戶小廚遊走各區,為你四出尋找隱世泰式嗞味,發現「泰式炸魚餅」無論堂食定外賣,一直長期人氣大熱。貪佢作為前菜,味道香香辣辣,配飯或佐啤酒會吃過不停!事不宜遲,快啲介紹比大家。

1. 泰國人海南雞 - 暹羅炸魚餅

泰國人海南雞喺港九新界都有店鋪,並且獲得「有營食肆」的商標,包你食得健康啲。個暹羅炸魚餅一碟四件,剛剛好同朋友作餐前小吃,之後食𠹺佢個馳名泰式海南雞飯,咁就飽飽!

泰國人海南雞個魚餅食落又唔錯喎!

A post shared by al (@achc9527) on

2. 泰風情炸魚餅

食泰菜,梗係要到九龍城開餐嗱!揀咗間街坊小店「泰風情」試試,佢哋價錢大眾化,服務態度好到爆分,出菜快速,用料足。必食嘅餸菜有炸魚餅,魚餅入口便嚐到有香茅及檸檬葉香氣,配上酸辣汁一起吃,便覺齒頰留香。

3. 泰 Thai Western 泰式魚餅拼盤

現在去黃大仙區唔只去求神問卜睇前程。區內原來有間頗出名嘅「Thai Western」,每逢食飯時間,必定見人龍。走去試咗個泰式拼盤,內裏有齊香葉包雞,蝦餅,魚餅及春卷,每款都香味四溢,唔夠喉嘅話,仲可以單點,食過痛快! 

4. Cafe Siam - Tod Mun Pla

喺堅尼地城及Soho區都有分店的Cafe Siam,係間甚有格調的泰式料理餐廳,沒有刻意泰式裝修,反而有點似西餐廳,燈光偏暗,頗有情調,適合情侶或多人聚餐,輕談歡笑。食物質素好評如潮,Tod Mun Pla(炸魚餅)味道似足泰國街頭小吃嘅味道,炸至金黃色,肉質鮮美,一定要下單試試。

5. Mint & Basil - 炸魚餅

西灣河鯉景灣嘅岸邊開咗一片食肆,其中的Mint & Basil甚有渡假情懷,食物質素高,價錢同商場食肆差不多,佢哋嘅前菜有分「涼菜」或「熱菜」,個泰式炸魚餅咪走寶,炸得香口,魚肉新鮮有彈性,食完一件再一件,停不了!

Yummy! Yummy!

A post shared by FloraWong (@florawong1114) on

食好嘢唔想等位同人逼?咁就要用用戶戶送App或登入 Deliveroo.hk,叫晒啲好餸返屋企開大餐。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application