1. Zh
  2. 精選美食
  3. 推薦五大熱選中式點心 
推薦五大熱選中式點心

推薦五大熱選中式點心 

要數在香港最喜愛的中菜,莫過於上酒樓吃點心的文化,由以前點心姐姐揹住托盤叫賣,演化到推住點心車仔,再推進到自己劃點心紙,發展至今、還有外賣服務,要吃最美味點心簡直容易到極點。下面介紹五款大熱滋味點心,然後叫來慢慢嘆。

1. 熊貓雞包仔 (銅鑼灣)

外型得意別緻的點心愈嚟愈多,卡通人物或動物造型都頗受歡迎,hit到連相機都要食先,仲唔係點心首選。嚟到TYFun Dim Sum,就搵到人見人愛的「熊貓雞包仔」。軟綿綿暖笠笠的可愛熊貓頭,包住雞肉碎和蘑菇。睇得又食得,大人細路都鍾意。 

2. 點心6人餐 (西營盤)

Zhen DimSum Cafe 係一間fusion餐廳,cafe格局夠晒新派。咪以為cafe路線出品的點心水準唔入流,呢度賣點係手工點心專門店。想試多啲款,推介食「6人餐」。可以食均傻豬叉燒包、金沙熊貓包、金箔墨汁芝士蝦餃、招牌窩芛蝦餃、蟹籽燒賣皇、特色麻辣燒賣、沙律蝦春卷,另配例湯和灼菜。外型別緻,內在味道一流,名副其實內外兼備。

A post shared by Natalya (@natalyapkarn) on

3. 春風得意腸 (九龍城)

趣緻造型的點心固然吸睛,但係傳統口味仍然係點心的核心價值。新派同傳統並傳,絕對係另一不能錯過之選。春風得意唔係大酒樓,但小店製作絕不馬虎。懷舊風的餐具、陣設,食落都寧舍滋味。菜名食埋店鋪名嘅「春風得意腸」,晶瑩剔透的腸粉皮,滑嘟嘟又有米香。包住唔係食開嘅油炸鬼,而係脆卜卜炸腐皮,同埋香甜蘿蔔溶。新穎配搭,食出春風又得意。 

A post shared by Jenny Lin (@jennylin7215) on

4. 豉汁蒸鳳爪 (九龍城) 

食完新派春風得意腸,繼續留守春風得意,食埋傳統的「豉汁蒸鳳爪」,包保食到食指大動。鳳爪即雞腳,略炸再蒸,以豆豉、醬汁調製,由外到內都入晒味。而且雞腳含有豐富膠質,惹味又補到膠質,男女都啱食。 

5. 蘿蔔千絲酥 (紅磡)

陶源酒家出名用料上乘,精湛手藝保存點心精髓。「蘿蔔千絲酥」做得唔好就會好似食一嚿炸粉,但呢度做到外層鬆化,內裡係飽滿蘿蔔絲。就算無趣緻造型,單係味道就完勝。 

新派、傳統點心都咁好味,立即用「戶戶送」App或登入 Deliveroo.hk落柯打啦。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application