麵食可以有好多種，中式、日式、韓國、意大利⋯今次先為大家介紹幾款中式麵食，包你發夢都流口水。
1. 小王牛肉麵
先來食個台灣過江龍-小王牛肉麵嘅半筋半肉麵，碗麵送上來，便有陣濃郁藥材味，喝一啖便知係老火靚湯底，肉質炆得好腍，而筋部很嫩滑，有點似果凍口感，牛筋含豐富膠原蛋白，可加速新陳代謝，令到皮膚有彈性及強化骨骼，愛靚的你，點可以錯過！
2. 黃枝記
城中老饕一定聽過這所老店故事，黃枝記由東莞做竹昇麵起家，漸漸遷店到廣州，澳門及香港，把傳統嘅竹昇麵發揚光大。雲吞蝦子撈麵咪走寶！麵底不用多講，係全蛋麵，以竹竿壓製，而且冇鹼水味，令到麵質爽身蛋香味更濃。講到明蝦子撈，上面鋪上勁多蝦子，雲吞皮薄，鮮蝦爽口香甜。
3. 魚鱻魚湯專門店
一睇就知係食魚鱻(鱻-音鮮)，意指味道鮮美。魚鱻魚湯專門店個魚餅米線配魚滑，簡直係為不懂吐魚骨嘅人組合出來，哈哈！先講魚湯係用鮮魚煮成，淡淡白色，不帶腥味，滑溜順喉，睇得出個魚湯白，並非用鮮奶加色。魚餅炸成金黃色，外層香脆乾身，不多油，魚肉彈牙無魚骨。簡直係健康有營食品！
4. 上海婆婆336
未落單，上海婆婆336的店名中已經跟你説：「謝謝你！」。336的上海話正是多謝你，很有心思！上海菜出名惹味，就好似上海粗炒，係這處份量十足，麵質不太軟亦不大硬，有嚼勁，再加上白菜仔，醬汁掛在每條粗麵上，吃得出醬油，老抽，麻油，高湯及糖的比例，恰到好處，非常吸引吃不停口。
係咪睇住啲大中華麵食好吸引呢？咁就馬上用戶戶送App或進入Deliveroo.hk落單點菜啦！
