1. Zh
  2. 精選美食
  3. 一嚐素食新潮流,一齊捲住食各式素捲
一嚐素食新潮流,一齊捲住食各式素捲

一嚐素食新潮流,一齊捲住食各式素捲

 素食種類愈來愈多,加入素食行列嘅朋友同樣多,食素一啲都唔寡唔寂寞㗎。就連新興墨西哥菜的墨西哥捲配搭豬、牛、雞之外,仲會有素菜口味。墨西哥捲方便又美味,啱哂匆忙香港人。唔少餐廳提供埋素食捲,以下介紹四間餐廳的悉心炮製,大家捲住嚟加入素食行列。

1. Portobello Mushroom Wrap

位於黃竹坑Food Folk,採用本地食材,時令食材不時不食,不採用基因改造食品。對飲食的堅持,健康的追求,餐單提供多元選擇,素食捲物有「Portobello Mushroom Wrap」。選用大隻的Portobello Mushroom (波特菇),肉厚而多汁,非常飽肚。呢款菇唔似其他菇類有濃烈菇香,唔太鍾意菇香嘅朋友可一試。

2. Falafel

上環TAVA Turkish & Mediterranean Cuisine係一家地中海和土耳其菜的外賣店,外賣最好係食得方便,呢度嘅捲物當然係土耳其kebabs wrap(卡巴卷)。「新鮮三角豆蓉卷」以亞美尼亞薄餅包住生菜、蕃茄、紅蔥頭,同埋鷹嘴豆蓉,一個卷捲住豐富營養。

 3. 墨西哥素菜捲、炸墨西哥玉米片配牛油果醬

黃竹坑商廈的Chopsticks Fork n Knife,裝潢設計很有格調,日間有陽光映照,悠閒愜意。主打多國菜的餐廳咖啡店,亞洲、西方美食都有唔少選擇,連墨西哥名物都有,又點可以錯過。「墨西哥素菜捲、炸墨西哥玉米片配牛油果醬」,既有新鮮蔬菜製成的素菜捲,又有香脆玉米片配搭健康美味牛油果醬。一次試齊兩款特色食品,唔寡又滿足吧。

4. 香炸大捲餅

睇完以上三款都仲未行動,唯有出殺手鐧,香口煎炸應該夠晒吸引。長沙灣工廈的墨西哥 Picoso Mexican,用心經營的小店,帶嚟地道墨西哥風味。「香炸大捲餅」將捲餅炸到金黃,比起平時米白捲餅,望落更醒神。餡料係自選牛、豬、雞,店家無提供素食口味唔緊要,可以要求純素,自己「走」咗去咪得囉,哈哈。配料已經好豐富,有粟米、烤洋蔥、雜椒、碎芝士、豆蓉,再蓋上牛油果醬、酸忌廉、碎蕃茄,另配上紅蕃茄醬和黑豆。自選「素食」炸捲,外香脆、內新鮮,加埋蕃茄醬調味又中和油炸膩感,仲唔快啲食,炸嘢過晒氣唔好食㗎喇。

A post shared by Molly Jin (@mollyking123) on

四選一揀定未,揀定就立即用戶戶送app或登入 Deliveroo.hk,收到柯打話咁快會「捲」到你面前。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application