1. Zh
  2. 精選美食
  3. 日本餐廳素食新主義
日本餐廳素食新主義

日本餐廳素食新主義

  • by
  • Read time: 0 min

近年來提倡健康生活,素食主義流行。食小啲肉減少碳足跡,仲可以為環保出分力。唔需要猶疑素食會無啖好食,而家好多日本餐廳都有好多素食菜式。無論肉食定素食,一齊試下四款素食之選。

1. 海葡萄

去居酒屋嗒番兩杯,通常食番幾串串燒。樂宴有款幾特別嘅冷盤小食,沖繩特產「海葡萄」係串燒以外唔錯嘅選擇。細細粒嘅綠色小顆粒,咬喺嘴入面散發海洋鹹鹹鮮味。冰鎮住嘅海葡萄,就咁食非常清爽涼浸浸,或者沾上小小醬汁稍作調味就無咁單調。

海葡萄 #japanesefood #樂宴 #dinner #海葡萄 #好味

A post shared by mekkazine (@mekkazine) on

2. 牛油果天婦羅

Kyoto Joe 提供嘅素食菜餚都唔少,當中的天婦羅選擇比坊間較多,例如日本甘薯、日本南瓜、京都野菜等等,就連「牛油果天婦羅」都有,無理由唔試埋。外層天婦羅炸得香脆可口,唔會太厚粉。內層嘅牛油果保留原味和水份,相比食蕃薯之類嘅天婦羅,感覺更覺清新,同埋無咁滯,呢款素食新口味一流。

3. 冷稻庭烏冬

平時食雪糕,天氣熱辣辣可以食,凍冰冰又可以食。冷烏冬都一樣,咩天氣都食得。冷烏冬最怕唔夠凍又黏住晒,Three Monkeys的「冷稻庭烏冬」,優質嘅稻庭烏冬煮出嚟爽滑不黏口,非常夠冰凍抵讚,仲有自家調製嘅醬汁,滑嘟嘟咁「𠽌吓𠽌吓」就𠽌飽。

4. 北海道忌廉粟米薯餅

北海道牛乳、忌廉出名香滑,薯仔「薯味」夠濃,用嚟做忌廉薯餅無得輸。Teppei Syokudo「北海道忌廉粟米薯餅」,熱烘烘放入口,外脆內軟滑,薯味濃郁,忌廉粟米嘅餡料香甜又creamy。咁好味嘅薯餅,貪心啲一個人食晒一客都唔過份。

想食日式素食料理,立即用戶戶送App或登入 Deliveroo.hk,好快就送到府上。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application