1. Zh
  2. 精選美食
  3. 素麵選擇一樣多,食均就知無講錯
素麵選擇一樣多,食均就知無講錯

素麵選擇一樣多,食均就知無講錯

  • 閱讀需時: 0 min

 就話素食選擇多,咁啱想食麵,除咗陽春麵,仲有無其他選擇?睇到以下介紹就知素麵選擇一樣多。而且幾款素麵食制作相對簡易,食嘅時候記住個味道同菜名,下次去男/女朋友屋企,唔駛再煮即食麵,點番個有營素麵一齊食,將回憶嘅味道帶到佢屋企

1. 蟲草花雜菌涼拌麵

阿媽教落唔好飲凍嘢、戒生冷嘢,天氣轉涼仲食涼拌麵,仲唔俾阿媽閙?即刻話佢知係食麵三館嘅「蟲草花雜菌涼拌麵」,有蟲草花,聽講保健功效拍住冬蟲夏草㗎。蟲草花食落幾有咬口,唔食肉就咬下蟲草花。仲有爽口木耳、雪耳,配埋酸酸地涼拌汁。夏天都會打邊爐,冬天有咩理由唔可以食涼拌麵呢。

2. 萵筍雙丸香辣酸菜淮山麵

一心素食嘅素食種類選擇多,湯羹、粉麵飯、小炒小食應有盡有,加埋中西式煮法唔會悶。「萵筍雙丸香辣酸菜淮山麵」嘅萵筍和淮山麵唔係周圍食得到,配搭新鮮。萵筍唔係筍,但口感爽脆似筍,揉成丸狀一樣咁爽彈。淮山麵食落似即食麵,但係營養價值完全唔同,淮山性質平和,補腎健脾,食多碗都唔怕無益。

#vegetarian #vegan #noodles #veggieballs #mockmeat #hk #veghk #veggiehk #veg

A post shared by Jade (@veggiehk) on

3. 青菜煨麵

HAY!喜遇係京滬菜館,但店鋪格局裝修就係懷舊港式情懷。熟悉嘅環境佈局,食嘅唔係廣東菜,呢種熟悉中嘅距離感,正正就喺大家大魚大肉之際,面前端上一碗「青菜煨麵」,這麼近又那麼遠。遠在於煨麵係江浙一帶嘅煮法,麵條放入高湯烹煮,高湯要煮得稠而不糊,麵條吸收湯汁,又要保持麵質爽彈,加埋小唐菜切段放碗,一碗精心烹調嘅青菜煨麵就食得喇。

A post shared by Susan Wong (@gogowong486) on

4. 杭式蔥油拌麵

素食仿佛係「健康」、「清新」、「有機」嘅代名詞,打破素食嘅框框,唔好俾「蔥油」嚇親,試下王家沙「杭式蔥油拌麵」。蔥油拌麵係上海特色小食,廚師將青蔥切段,落油慢炒,嚴謹控制油火,煮出嚟嘅蔥油香噴噴,而唔係油淋淋,放上軟韌度適中嘅上海幼麵,簡單配搭卻令人回味無窮。

蔥油拌麵

A post shared by Gary Cheung (@gckakit) on

喺屋企唔想食即食麵,立即用戶戶送App或登入 Deliveroo.hk ,碗碗靚麵火速送上。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application