1. Zh
  2. 精選美食
  3. 泰越大比拼 雙冠軍皆大歡喜
泰越大比拼 雙冠軍皆大歡喜

泰越大比拼 雙冠軍皆大歡喜

「阿泰」同「阿越」呢對好朋友,將泰越菜帶嚟香港,呢股東南亞風情深受歡迎。突然,有位兄台提出泰國菜定越南菜受歡迎啲?仲攪咗個唔知咩最受歡迎之選。好彩「阿泰」同「阿越」友誼第一、比賽第二,以下選出嚟嘅泰、越好風味餐廳,每一道菜都益哂我地呢班為食貓。

1. Gaeng Massamun Ka Gae

Koh Thai 除咗四大人氣「泰」好風味之選,仲有款皇牌留番今次嘅泰越大比併,就係「Gaeng Massamun Ka Gae」。馬莎文咖喱係泰式咖喱其中一款,甜中帶辣,比較易入口。羊脾以慢煮方式煮足六個鐘,一切開完全骨、肉分離,肉質超稔滑,呢六個鐘值回票價。

2. Hot and Sour Prawns Soup

廣東人習慣飲湯,無碗湯飲下好似周身唔自在。就算食泰越菜,都堅持整番碗湯。嚟到 Saigon Saigon 西貢西貢,我地唔飲東蔭功湯,飲佢地落足料嘅「Hot and Sour Prawns Soup」。唔好俾表面層辣油嚇親,其實酸酸辣辣好開胃。大蝦吸收咗辣湯又不失鮮味,飲完湯仲可以食埋芽菜、蕃茄同菠蘿喎。

3. 越泰炸春卷

惹味咖哩食咗,酸辣嘅湯飲埋,仲唔輪到香口煎炸野出場。Viet Thai 「越泰炸春卷」,春卷皮厚度適中,炸到金黃色,咬落酥脆無比。春卷包住滿滿嘅餡料,夾埋啲生菜絲、蘿蔔絲就fresh 啲,無咁油膩。唔講咁多,趁熱KO 哂佢地先,過哂氣就唔好味。 

4. 泰式原個菠蘿炒飯

前菜、小食同湯都試均,無主食好似爭啲。尤其是同屋企人食,長輩們無飯到肚,無啲飯氣點似樣。億饍「泰式原個菠蘿炒飯」,用原個菠蘿盛載住啲飯,啲飯吸收菠蘿香味,同平時用碟載住係好大分別。炒飯炒得飯粒分明,唔會太油。仲要賣相好吸引,唔鍾意食飯嘅小朋友都搶住添飯。

泰式、越式各有千秋,決定打和呀。唔信嘅話,立即用戶戶送App或登入 Deliveroo.hk,食均泰、越美食。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application