1. Zh
  2. 精選美食
  3. 想喺灣仔揾美味素食午餐話咁易
想喺灣仔揾美味素食午餐話咁易

想喺灣仔揾美味素食午餐話咁易

灣仔區出名搵食易,就連提供素菜嘅餐廳都多蘿蘿, 素食選擇一啲都唔寡,素食朋友嚟到灣仔「找素」真係話咁易。Green Monday菜單為一星期之始掀起序幕,陸續出場嘅都充滿驚喜。快快睇定有咩好介紹,即刻約飯腳開餐啦。

1. 來佬汁炒素牛河

來佬餐廳中環店關閉後,就要嚟到灣仔先有得品嚐,但少少時間都值得,只因來佬汁喺其他地方食唔到。平時食開來佬汁雞翼同來佬汁炒牛河,到咗星期一,Green Monday餐單有「來佬汁炒素牛河」,找素都找到來佬汁,認真無得彈。

2. 淨Biang Biang麵

星期一食完來佬汁素午餐,津津有味想繼續找素,可以到有緣小敍試下陝西菜,市面比較少呢類型菜式。試下新嘢人都開心啲,胃口更特別好。招牌Biang Biang麵有素菜口味,夠哂貼心。「淨Biang Biang麵」雖然無肉,但拌以蔬菜就相對清新。麵身頗闊,咬口比河粉實,但滑滑地,以特調辣醬汁調味。特點係唔會剪斷,一口氣大啖食,好似係咁啜住條布帶入口,好盞鬼。

3. 韓式素菜炒粉絲

未有時間飛轉韓國,lunch time食餐韓式午餐,味遊韓國獎勵下自己。Bistro Seoul 首首.韓式小館的裝潢融合新派和傳統韓國元素,並由韓藉廚師主理,食物菜式精緻吸引。「韓式素菜炒粉絲」唔會太油膩,粉絲粗幼適中,配上椒絲、木耳絲和撒上芝麻,配以特色韓式醬汁,食完過足韓國癮。

4. 海南植物雞配黃薑米

找素找得徹底啲,就要嚟純素餐廳Green Common。提供多國菜菜式,選擇多蘿蘿,一啲都唔寡。「海南植物雞配黃薑米」賣相同真雞非常似,雞皮以腐皮加粉皮製成,植物雞肉就以黃豆和碗豆製成,不含膽固醇,但口感非常接近。賣相同味道都模仿得咁徹底,誠意十足,無理由唔試。

A post shared by Green Common (@green_common) on

睇完咁多介紹,知道去邊度找素,仲唔立即用戶戶送app或登入 Deliveroo.hk,落柯打找數。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application