1. Zh
  2. 精選美食
  3. 潮濕天氣靠抽濕,濕立立心情就要食餐好 
四款暖意食品,即使天陰陰也令人心中放晴

潮濕天氣靠抽濕,濕立立心情就要食餐好 

放假緊係想出街玩,但往往天氣不似預期... 天氣報告巳經預告未來幾日都會多雲或間中有雨。戶外活動取消晒,留係屋企愈屈愈悶,不如叫外賣食餐好。跟住戶戶送介紹, 一帶一路食均comfort food。一掃悶氣,重現好心情。率先以外賣意大利菜為目標,拉隊出發。

1. Banana (灣仔)

意大利餐廳 DiVino Patio 提供優質意式風味,外賣意大利菜不比堂食遜色,同樣選擇多多。天陰昏暗,搵啲甜食令心情都甜蜜愉快。甜薄餅「Banana 」,薄餅底烤得香脆,餡料由鹹轉甜,鋪滿朱古力榛子醬、榛子粒、焦糖香蕉,仲有甜中略帶酸嘅紅桑子。味蕾、天氣、心情都得到完美平衡,三贏。 

2. Buffalo Wings  (北角) 

天氣潮濕攪到無咩胃口,The Big Bite「Buffalo Wings」,香濃火辣嘅水牛城雞翼,逐級挑戰包保愈食愈刺激醒神。辣度可自選,自殺、大、中、少辣,「自殺」級辣完出身汗,包保醒神醒腦。拌菜配有西芹條和藍芝士醬,refresh一下辣到麻痺嘅味蕾,超過癮。 

A post shared by urwhatueat (@rnll_110) on

3. 豬扒菠蘿包(鴨脷洲) 

豬扒包、菠蘿包周圍都有得食,何解大老遠喺鴨脷洲食。只因檔仔細細嘅茶檔,如店名所講,販賣美食x快樂,天氣差、心情唔好,淨係聽睇見檔名已經開心咗,再食埋就更加心情大提升。地道美食菠蘿包crossover 豬扒包,成為獨特美味「豬扒菠蘿包」。新鮮出爐菠蘿包,夾住香煎豬扒,加埋生菜同蕃茄,成個超足料burger。呢款港式comfort food,啱晒港式天氣,夠晒同聲同氣。 

A post shared by Mr.Tang (@tangduncan) on

4. 三星牛肉麵(銅鑼灣) 

香港人咁鍾意旅行,望住天色陰暗更加想飛番轉開心下。由明星傅佩嘉和台藉丈夫開設嘅三星台菜食堂,將台灣風味菜式帶俾食客。霎時間飛唔切,先嚟碗「三星牛肉麵」頂癮。一碗有齊牛筋、牛助肉、牛肚,非常入味又有嚼口。湯底喺家傳秘方,以大量牛骨、牛肉、香料和藥材熬製。食完麵仲可以飲埋湯,飽滿暖胃。濃濃台灣味道,窩心溫暖融化壞天氣、壞心情。 

無論天氣如何,立即用戶戶送App或登入 Deliveroo.hk,各款美食都會按時送達。

Deliveroo application

馬上到iOS和Android的應用程式商店下載

Deliveroo iPhone application
Deliveroo Android application