1. 美食趨勢
  2. 戶戶送與樂餉社首度合作
戶戶送與樂餉攜手面對本地飢餓問題

戶戶送與樂餉社首度合作

戶戶送致力推動可持續發展,以真誠嘅態度實踐企業社會責任。我哋參考 2019 年聯合國發表嘅可持續發展目標報告,確認「Zero Hunger」為戶戶送其中一個可持續發展嘅目標。

戶戶送目的係送戶戶美食,就係咁簡單。我哋認為透過為每家每戶送上美食,一份最直接嘅快樂,就係我哋最滿足嘅工作。但喺美食同科技發展一日千里嘅同時,我哋不斷提醒自己:喺香港會唔會有人被遺忘,無法享受哩種簡單嘅快樂?戶戶送喺推動可持續發展嘅使命之下,好榮幸同樂餉社合作,為同一目標努力:解決本地飢餓問題。

我哋嘅目標

直至今日,戶戶送共有超過 6,500 間餐廳合作夥伴。隨著市民對美食外賣嘅需求日益增加,哩個數字將會愈來愈高。所以我哋希望喺戶戶送平台上,同樂餉社一齊向每位下訂單嘅大眾宣揚珍惜食物嘅重要:即使喺現今社會美食隨處可及,但目前喺香港仍有「多於一百萬貧窮人口三餐不繼」。我哋想為樂餉社嘅工作作出貢獻,一齊提醒市民,其實每個人都可以為哩個問題出一分力。

你都可以出一分力

我哋希望鼓勵你直接捐出款項,支持樂餉社解決本地貧窮人口嘅飢餓問題。為此,戶戶送應用程式內喺2020年6月22日開始,於訂單結帳頁面將有一個全新功能,方便你只要撳幾下,就可以透過訂單將善款捐俾樂餉社。所有款項都會轉贈樂餉社,為樂餉社嘅食物援助眾籌略盡綿力。

應用程式更新後,你下訂單嘅過程將一如以往地流暢,資料亦會如常受保護。當去到結帳一頁時,你可以選擇是否作出捐款,將訂單「俾齊頭」,撳粒製就可以將原本嘅訂單金額調整至下一個十位整數 (例:$88 > $90,其中 $2 將會捐出),亦可自由增加捐助金額。所有透過戶戶送訂單捐出嘅善款,都會直接撥到樂餉社嘅食物援助眾籌,以便樂餉社大量購入主要食糧,確保佢地嘅食物銀行有足夠嘅庫存,供應食物予有需要嘅慈善機構及人士。歡迎按此查看樂餉社嘅慈善機構網絡

戶戶送希望透過今次同樂餉社合作,令社會大眾更關注本地飢餓及食物浪費問題,並透過解決此問題為社會帶來正能量及行動。我哋希望你只要喺戶戶送網站或應用程式下訂單嘅時候,輕鬆撳幾下,就可以同時享受到美食同做善事。正所謂積少成多,每個人都可以為哩個計劃出一分力㗎!我哋期望直至2020年年尾,透過此計劃可以為樂餉社收集到 HK$1,000,000 善款,盡量幫助社會上有需要嘅慈善機構及人士。一於開始戶戶「俾齊頭」,令每張美食訂單更具意義。

#戶戶送香港

關於樂餉社

樂餉社係一個本地嘅註冊慈善組織,旨在減少送往推填區嘅食物數量及解決社區內嘅飢餓問題。透過與不同公司企業合作,樂餉社提供企業間嘅物流服務,將食品公司剩餘但仍然可食用嘅資源,送到有需要嘅團體手上。r單喺去年,樂餉社透過與不同嘅大小企業合作,成功將本來 823 噸送往堆填區嘅食物,重新分配並送到140 間慈善團體,為超過 200 萬人提供食物。樂餉社從食品公司收集剩食,分類、儲存同轉送到多個本地慈善機構,包括長者中心、庇護中心、中央廚房、課後活動、社區食物銀行及其他非牟利社區項目。

條款及細則

  1. 顧客可以選擇在結帳前,將訂單的總金額調整至最接近的整數,及/或新增指定金額為捐款(款項)。該款項將以顧客選擇的結帳模式,連同訂單本來的金額,一同付款處理。
  2. 樂餉社將全數收取由2020年6月22日至2020年12月31日期間,顧客透過此功能捐贈的款項。
  3. 所有透過此系統捐出的款項,受戶戶送相關政策規管。如有違規,戶戶送保留權利不履行任何有關款項所衍生的義務。
  4. 樂餉社將不會就款項向顧客發出任何收據。
  5. 所有透過此系統捐出的款項,都不能於報稅時獲得豁免。
  6. 如有興趣知道更多樂餉社,歡迎瀏覽此網站。
  7. 如果顧客要求就訂單退款,而該訂單包括捐款,則當中款項的金額將不予退還。
  8. 此中文版的條款及細則示為英文版本譯本。如中、英文兩個版本有任何抵觸或不相符之處,應以英文版本為準。
Deliveroo application

馬上到iOS和Android的應用程式商店下載

Deliveroo iPhone application
Deliveroo Android application